HVAÐ GERIST EFTIR ATHUGUN Á MÁLÞROSKA HJÁ TALMEINAFRÆÐINGI?

Ef í ljós kemur eftir málþroskamat að málþroski barnsins er eðlilegur miðað við jafnaldra er ekki þörf á frekari íhlutun talmeinafræðings. Ef barnið er með minniháttar frávik miðað við jafnaldra er það mat talmeinafræðings hverju sinni hvort mælt er með málörvun heima og/eða í leikskóla (foreldrar fá ráðgjöf þar að lútandi) og síðan endurmati eða hvort talin er þörf á meðferð. Ef um slíkt er að ræða eða ef frávikin eru umtalsverð stendur barninu til boða að koma í nokkra tíma í talþjálfun á HTÍ. Bið eftir þjálfun getur verið nokkrir mánuðir. Þegar barnið kemst að fær það venjulega um 5 – 6  skipti í þjálfun. Síðan fer barnið í nokkurra mánaða bið og kemur aftur í 5 – 6 skipti. Á þennan hátt bregðumst við við þeim mikla fjölda beiðna sem bíða afgreiðslu.

HTÍ er í samvinnu við námsbraut í talmeinafræði við Háskóla Íslands. Nemendur við námsbrautina eru gjarnan í starfsþjálfun á HTÍ og sinna börnum undir handleiðslu talmeinafræðinga. Barnið þitt/ykkar gæti fengið þjálfun hjá nema.

Í kjölfar greiningar og ráðgjafar á HTÍ sækja foreldrar um talþjálfun hjá sjálfstætt starfandi talmeinafræðingi eða leita annarra úrræða (til dæmis ef boðið er upp á þjónustu talmeinafræðings á þjónustumiðstöð eða skólaskrifstofu). Börn sem fá meðferð hjá talmeinafræðingi á HTÍ eru:

$1·         Börn sem eru heyrnarskert

$1·         Börn sem fæðast með skarð í gómi eða vör

Af hverju þarf að heyrnarmæla barnið mitt vegna mats hjá talmeinafræðingi?
Mikilvægt er að útiloka að heyrnarskerðing sé til staðar.