Algengar spurningar og svör - Heyrn - Efnisflokkar

Algengar spurningar - Heyrn - Efnisflokkar

Já, ekki þarf sérstaka beiðni til að panta tíma í heyrnarmælingu.

 

Sérvalin orð: heyrnarmælingu

Heyrn er mæld í desibelum(dB) og tíðnum(Hz). Tíðnirnar sem eru aðalega notaðar í heyrnarmælingum eru 250 Hz til 8000 Hz. Hægt er að mæla styrk frá -10 dBHL til 110 dBHL, athuga skal að 0 dBHL þýðir ekki þögn. Heyrn er eðlileg þegar allar mældar tíðnir eru 20 dB eða lægri.

 

Sérvalin orð: heyrn, skerðing

Allir sem vilja panta heyrnartæki þurfa að fara fyrst í heyrnarmælingu hér á HTÍ. Í heyrnarmælingunni kemur í ljós hvort þörf sé á heyrnartækjum. Sé þörf á heyrnartækjum fær viðkomandi tíma hjá heyrnarfræðingi til að fara yfir hvaða heyrnartæki henta honum.

 

Sérvalin orð: heyrnartæki, kosta

Til eru margar gerðir af heyrnartækjum og verðbilið er þó nokkuð breitt.

Flestir framleiðendur bjóða upp á heyrnartæki í 3 verðflokkum og innan verðflokkanna eru ýmsar tegundir.

Val á verðflokki fer eftir dagsdaglegum þörfum og aðstæðum hvers og eins. Ef aðstæður eru krefjandi þá hefur einstaklingur meira gagn af heyrnartækjum í dýrari verðflokkum. Ef umhverfið gerir ekki miklar kröfur til viðkomandi þeim mun minni þörf er á dýrum tækjum. Þegar verðflokkarnir eru bornir saman milli framleiðenda er verðmunurinn ekki mikill.

Hjá HTÍ er verðbilið á heyrnartækjum frá 50.000 kr til 200.000 kr. Mikil þróun er í heyrnartækjum og fylgist starfsfólk HTÍ mjög vel með þeim en framleiðendurheyrnartækjanna sem eru til sölu hjá HTÍ senda okkur meðal annars reglulega upplýsingar oghalda fyrirlestra. Heyrnarfræðingur fer síðan yfir aðstæður hvers og eins og ráðleggur varðandi kaup á heyrnartækjum.

 

Þeir sem eru með svokallað tónmeðaltal 30 dB, eða hærra á betra eyra, eiga rétt á niðurgreiðslu vegna kaupa á heyrnartækjum. Þegar tónmeðalgildið er komið upp í 50 dB, eða hærra á betra eyra, á viðkomandi rétt á 80% niðurgreiðslu á hjálpartækjum, öðrum en

heyrnartækjum. Þegar tónmeðalgildið er 70 dB, eða hærra á betra eyra, á viðkomandi rétt á 80% niðurgreiðslu á heyrnartækjum.

 

Börn frá 6 mánaða til 3 1/2 árs eru mæld þannig að þau sitja í kjöltu foreldris og fá að hlusta á hljóð, annað hvort úr hátölurum eða með heyrnartólum. Þegar hljóð heyrist bregðast flest börn við með því að líta til hliðar. Þegar barnið lítur til hliðar fær það að sjá dýr skoppa í

kassa, flestum börnum finnst þetta mjög spennandi. Miklu máli skiptir að foreldri bregðist sjálft ekki við hljóðunum en gott er að foreldri haldi athygli barns frá kassanum milli hljóða.

Þegar börn eldast, eða svona um 3 1/2 árs aldur, er hægt að láta þau kubba. Leikurinn virkar þannig að þegar þau heyra hljóð taka þau kubb úr einum kassa og setja ofan í annan. Við 6 ára aldur er hægt að nota sömu mælingar og notaður eru til að mæla heyrn fullorðinna en þá ýtir barnið á takka þegar það heyrir hljóð.

 

Sérvalin orð: börn, börn mæld, hljóð

Hægt er að panta tíma í aðstoð hjá heyrnarfræðingi til að yfirfara tækin. Ekki er nauðsynlegt að fara í heyrnarmælingu áður en tækin eru stillt nema ef viðkomandi upplifir verulega breytingu á heyrn.Einnig er hægt að mæta í opinn tíma á morgnana kl frá 8:15-8:45. Opinn tími er hugsaður sem tími til að sinna neyðartilfellum og smávægilegum reddingum. Heyrnarfræðingur bendir síðan viðkomandi á að panta tíma ef vandamálið krefst meiri tíma.

Margar mismunandi ástæður geta verið fyrir því að heyrnartæki þagni. Rafhlaðan getur verið tóm þótt hún sé ný, í einstaka tilfellum geta leynst gallaðar rafhlöður í spjöldunum.

Tækið getur verið stíflað, mergur getur fundið sér leið inn i rásina sem liggur frá hátalaranum og þá þarf að hreinsa það eða skipta um mergsíu (ef hún á að vera).

Ef um er að ræða heyrnartæki með hátalara í hlust getur slangan verið farin í sundur. Ef svo er þarf að hafa samband við heyrnarfræðing.

 

Sérvalin orð: mergsíu

Hægt er að fá hjálparbúnað fyrir heyrnartækin til að heyra betur í sjónvarpi og útvarpi. Fáðu tíma hjá heyrnarfræðingi og fáðu ráðleggingar um hvað hentar þér.

Sérvalin orð: heyrnartækin, sjónvarp, útvarp

Hægt er að fá hjálpartæki fyrir ýmsa hljóðgjafa eins og reykskynjara, dyrabjöllu og síma. Einnig er hægt að fá vekjaraklukku fyrir heyrnarskerta. Pantaðu tíma í hjálpatækjaráðgjöf hjá heyrnarfræðingi og fáðu upplýsingar um hvað hentar þér.