Fyrir kennara
Kennarar sem koma á móts við nemendur með heyrnarskerðingu geta haft mikil jákvæð áhrif á stöðu barnanna í skólanum. Hvort sem barnið notar heyrnartæki eða ekki þá hefur heyrnarskerðingin áhrif á aðgengi barnsins að námi. Fræðsla er lykilþáttur í því að námsaðstæður og skólaumhverfi sé nemandanum í hag. Með litlum tilfæringum má hafa mikil áhrif á hljóðumhverfi skólastofunnar. Kennsluhættir sem stuðla að góðri hljóðvist og fjölbreyttum leiðum til þess að afla sér upplýsinga eru lykill að námi barnanna. Hér á síðunni er að finna fróðleikskorn og krækjur sem geta stutt kennara barna með heyrnarskerðingu. Á Heyrnar- og talmeinastöð Íslands og í Hlíðaskóla í Reykjavík starfa kennsluráðgjafar með reynslu af kennslu barna með heyrnarskerðingu sem geta stutt kennarana í starfi sínu. Á leikskólanum Sólborg má sækja ráðgjöf fyrir starfsfólk leikskóla.
Kennsluráðgjafi HTÍ – Hildur Heimisdóttir er kennsluráðgjafi á Heyrnar- og talmeinastöð Íslands. Hún getur heimsótt skólann og rætt við kennara um kennsluaðstæður og leiðir til þess að bæta þær, eða rætt við þá í síma eða netspjalli. Kennsluráðgjafi getur einnig komið í heimsókn í skólann og flutt þar erindi fyrir allt starfsfólk. Ef þú vilt hafa samband við Hildi getur þú sent henni póst á netfangið