Dagur heyrnar 3.mars 2026

3. mars er alþjóðlegur dagur heyrnar. Hvert ár er valið ákveðið þema í tilefni dagsins í ár er þemað Heyrnarskimun fyrir öll börn.

Um heim allan má finna börn á grunnskólaaldri með heyrnarskerðingu sem oftar en ekki er ógreind eða ómeðhöndluð. Samkvæmt WHO Alþjóða heilbrigðismálastofnuninni hefur heyrnarskerðing áhrif á líf rétt um 90 milljóna bara á aldrinum 5-19 ára. Þrátt fyrir það er heyrnarskerðing oftar en ekki uppgötvuð fyrr en langt er liðið á skólagönguna eða henni lokið með óafturkræfum áhrifum á námsárangur og líðan barnanna.

Því miður er það svo að varanlegur alvarlegur heyrnarskaði getur hlotist ef ekki er brugðist við litlum vanda og heyrnarheilsu barna sinnt af ábyrgð.

Veggspjöld

Í tilefni dagsins hefur Heyrnar- og talmeinastöð látið prenta veggspjöld sem minna á ábyrgð okkar allra á heyrnarheilsu barna.

Með því að smella á veggspjöldin getur þú hlaðið þeim niður. Þú getur einnig sent tölvupóst á This email address is being protected from spambots. You need JavaScript enabled to view it. ef þú vilt fá útprentað eintak sent til þín.

Stuðningur við heyrn styður við nám

Þess fyrr sem heyrnarskerðing uppgötvast þess fyrr er hægt að bregðast við með viðeigandi hætti. Þær Særós Rannveig og Elín Hulda fóru gegnum grunnskólann án þess að búið væri að uppgötva heyrnarskerðingu þeirra.

Umfjöllun í fjölmiðlum

Dagur heyrnar og heyrnarskimun skólabarna er umfjöllunarefni víðar en á þessari heimasíðu, hér getur kynnt þér það efni sem birtist í fjölmiðlum í tengslum við daginn og smellt á greinar sem tengjast skólaskimun og heyrn skólabarna.

Kennsluefni og vitundarvakning

Heyrðu mig nú… er vitundarvakning um um áhrif heyrnarskerðingar sem Heyrnarhjálp stendur fyrir. Á heimasíðu Heyrnarhjálpar má sjá fróðleg myndbönd þar sem fólk segir frá áhrifum heyrnarskerðingar á daglegt líf.

Kennsluráðgjafi Heyrnar- og talmeinastöðvar hefur tekið saman efni um heyrn í kennslubókum og víðar. Það er upplagt að nota dag heyrnar til þess að skerpa á mikilvægi heyrnarverndar.